Nome medieval feminino de orixe xermánica, composto polo gótico *ath-, quizais resultante da abreviación dun elemento de dúas sílabas como athal, do gót. *hathu 'loita', ou o desenvolvemento secundario doutros temas a partir do tema gótico alds ‘tempo’, ‘era, época’ e  sindus, do gót. sinths ‘camiño’, con posible confluencia co gót. swinths ‘forte’ (HGN 3.18). Foi moi frecuente na Alta Idade Media hispánica.

Deixou diversos descendentes toponímicos; da forma en xenitivo ADOSINDI: gal. Ousende, Vilausende, leon. Peñausende; do nome medieval, ADOSINDA: port. Auzenda, Ousenda, Ozenda, Uzenda, leon. Valdeusenda.