Boedo
Tipoloxía ou caracterización xeográfica
Étimo
Derivado
Resumo xeral
Procede probablemente do latín BŬDA 'espadana', co sufixo abundancial -ETU; tamén se lle ten atribuído unha orixe prerromana.
Aspectos históricos e administrativos
Lugar pertencente á parroquia de Veiga, no actual concello de Culleredo (Co). A capitalidade do concello pasou a Culleredo desde 1877, pois anteriormente era Alvedro (VariacionesMunicipios).
Información específica de étimo para este topónimo
Procede probablemente do latín BŬDA 'espadana', aínda que algúns autores consideraron que este tipo de topónimos (Boeiro, Boedo) remontan a unha raíz hidronímica céltica *bed-, *bud-, á cal pertencerían tamén outros topónimos como Bueu, Budiño, Boimorto. Sería un caso máis de familia léxica hidronímica con derivados fitonimicos (coma ameneiro/amieiro) (cf. Navaza_Fitotop 046b).
Documentación histórica
Moderna
- "BOEDO: l. en la prov. de la Coruña, ayunt. de Alvedro y felig. de San Silvestre de Veija" 1846 DicMadoz, tomo 4.
Cognados
Amais deste, no NG figuran O Boedo (A Laracha, Co) e Boedo (Camariñas, Co).
Poden considerarse procedentes do mesmo étimo: O Boído (Boimorto, Co), con variación do sufixo, e Boedes (O Carballiño, Ou), con posible palatalización de -a final, documentado desde o séc. XIII (Buedes 1276 CDOseira 1059).
en Toponimia de Galicia e Portugal (PID2020-114216RB-C61), proyecto integrado en Toponomasticon Hispaniae, financiado por el MCIN/AEI/10.13039/501100011033/. http://toponhisp.org
Coordenadas: -8.450975 43.258719
Las coordenadas en el estado español proceden del IGE
Xentilicio e alcumes colectivos
Antropónimos orixinados polo topónimo
O apelido galego procede probablemente do topónimo de Culleredo, segundo indica a distribución xeográfica dos portadores actuais e as documentacións históricas. Presenta o maior número nos concellos de Arteixo e A Coruña.
Bibliografía específica
Sinaturas
Redacción: Ana Boullón
