Capela, A
Tipoloxía ou caracterización xeográfica
Étimo
Resumo xeral
Do latín tardío CAPPELLA, diminutivo de CAPPA 'capa'.
Aspectos xeográficos, históricos, administrativos
O concello constituíuse en 1835 no territorio do couto de Caaveiro, unha xurisdición medieval. O nome procede do da parroquia onde se instalou a casa consistorial. Na documentación máis recuada menciónase pola súa advocación: "pro villa que vocitant de Calavario , Sancto Iacobo et Texido" 936 TCaaveiro. O substantivo capela asociado a Caabeiro só se documenta no séc. XIII (Navaza_Concellos).
Documentación histórica
Antiga e medieval
- "ecclesiam Sancti Iacobi de Calavario pro capella ipsius monasterii" 1262 PergCaaveiro
Moderna
- "en la ygresia de Santiago da Capela de Cab<eir>o" 1575 ACS
- "Santiago de Capella" 1607 MemoriasHoyo.
- "Reino de Galizia. Provinzia de Betanzos. Jurisdición de Caveiro. Felegresía de San Tiago da Capela" 1764 CME-ACapela.
- "CAPELA: ayunt. en la prov., aud. terr. y c.g. de la Coruña (6 1/2 leg.), dióc. de Santiago (13) y part. jud. de Puentedeume (2). ... POBL.: 684 vec., 2.664 almas" 1846 DicMadoz.
Cognados e topónimos relacionados
Amais deste concello e a súa parroquia respectiva, hai outra parroquia A Capela (Toques, Co) e outros 42 lugares no NG que conteñen esta secuencia.
en Toponimia de Galicia e Portugal (PID2020-114216RB-C61), proyecto integrado en Toponomasticon Hispaniae, financiado por el MCIN/AEI/10.13039/501100011033/. http://toponhisp.org
Coordenades:-8.068805581 43.43555177
As coordenadas no estado español proceden do IGE
Xentilicio e alcumes colectivos
Capelán, capelá
Antropónimos orixinados polo topónimo
A distribución actual do apelido Capelán nunha zona compacta en torno á cidade da Coruña parece indicar que este apelido moderno é de carácter xentilicio: deriva de Capela e refírese a unha das dúas aldeas A Capela do concello de Cerceda ou a outra de Oleiros). A maior densidade dos portadores do apelido dáse en Cerceda.
Bibliografía específica
Sinaturas
Redacción: Ana Boullón
