O nome medieval do territorio onde se localiza o concello era Labacengos, que perdura hoxe nunha das súas parroquias. A partir do século XVI noméase "o estado de Moeche", unha xurisdición que tiña xuíz con rango de meiriño, que administraba xustiza no castelo de Moeche (GEG). 
O actual termo municipal de Moeche constituíuse en 1836, tras o decreto 23/07/1835, con parroquias correspondentes á xurisdición de Moeche e de Cedeira; tres delas conteñen haxiotopónimos que levan tamén o nome do concello: San Xoán, San Xurxo e Santa Cruz de Moeche (NavazaConcellosCor).