Cognatos e nomes de lugares relacionados

Atopamos Ambía (Santo Estevo) e Ponte Ambía (Santa María) como nomes de dúas parroquias do concello de Baños de Molgas (Ou). Na parroquia de Ponte Ambía están  as aldeas Ponte Ambía de Abaixo e Ponte Ambía de Arriba.

Cognados de Xunqueira hai moitos en Galicia, comezando polo concello de Xunqueira de Espadanedo (tamén lugar e parroquia). Ademais temos Xunqueira: A Fonsagrada (Lu), Monforte de Lemos (Lu), Touro (Co); A Xunqueira: Arzúa (Co), Cedeira (Co), Fene (x2) (Co), Gondomar (Po), Mazaricos (Co), Nigrán (Po), Ribadeo (Lu), Ribeira (Co), Vilalba (Lu), Vilanova de Arousa (Po), Xermade (Lu); Xunqueiras na Caniza (Po); e As Xunqueiras: Abadín (Lu), Mesía (Co), A Pobra do Caramiñal (Co). Atopámolo modificado en Xunqueira de Arriba e Xunqueira de Abaixo en Láncara (Lu); A Xunqueira de Lérez, Pontevedra; Coto de Xunqueira, A Fonsagrada (Lu); e Sas de Xunqueira, A Pobra de Trives (Ou). En Xunqueira de Ambía (Ou) temos Xunqueiroá.
En Portugal hai 23 lugares denominados Junqueira.