Participio do latín superare 'sobrepór, estar enriba de algo', que adquiriu o sentido 'ir máis alá de, exceder', para designar o andar superior dunha casa, e despois a propia casa cun andar, en contraposición coas casas térreas. Na península ibérica presenta descendentes gal., port., cast. sobrado 'piso alto dunha casa', 'parte da estrutura que excede o plano da fachada', ast. sobrau, sombráu, somberáu, sombráu 'faiado' (os dous últimos con influencia de sombra, ou contaminación co adverbio somo < SŬMMUM, segundo PensadoLexAsturiana). É, pois, especialmente frecuente no noroeste peninsular, sobre todo en Galicia, pero raro no resto do territorio..