Pradeda
Tipología o caracterización geográfica
Derivado
Resumen general
Derivado do latín PLATĂNUS, co sufixo colectivo -eta, con evolución semiculta, pois non presenta palatalización do grupo PL-.
Aspectos geográficos, históricos, administrativos
Parroquia do concello de Guntín (Lu) coa advocación santa Eulalia, que pertenceu na Idade Media ó couto do mosteiro de Ferreira (TopGuntín).
Documentación histórica
Antigua e medieval
- "ecclesiam sancte Eolalie de Plataneta" 897 CDLugoCañizares, DipPeríodoAstur 2
- " in finibus de Paliares in loco nominato Pradaneda" 1113 Solís_CatLugo
- Plataneda 1131 CDLugoCañizares,
- "inter Sanctum Iacobum de Intrambas Aquas et Platanetam, sub monte Meda" 1202 CDFPallares
- "ecclesiam Sancte Eolalie de Pladaneda" 1202 CDFPallares
- "ecclesia Sancte Eolalie de Pradeeda" 1241 CDFPallares
Cognados y topónimos relacionados
En Galicia atéstase tamén Pradeda (parroquia en Carballedo) e outros descendentes do mesmo étimo: Padrenda (concello e parroquia, lugar e parroquia en Vilar de Barrio e lugar no concello de Ramirás, todos eles en Ourense). Co sufixo -edo, o lugar de Padrendo, en Lobios (Ou). Véxase NavazaFitotop 185.2.
Estes resultados presentan, ademais da metátese do r (Pradeda/Padrenda) as dúas posibilidades de evolución da resonancia nasal resultante da caída do -N-: ou ben a súa desaparición (Pradeda) ou ben a súa consolidación como consoante implosiva (Padrenda).
en Toponimia de Galicia e Portugal (PID2020-114216RB-C61), proyecto integrado en Toponomasticon Hispaniae, financiado por el MCIN/AEI/10.13039/501100011033/. http://toponhisp.org
