O resultado Feces presenta unha particularidade, pois parece proceder dun étimo con Ĭ, que explicaría o e tónico, mentres que os demais topónimos teñen antecedente nunha forma con Ī, como demostran os resultados con -i- (Fiz, Fins).

Por outro lado, procede do xenitivo, o que non é habitual nos topónimos que non son nomes de posesor (véxase, por exemplo, Vilafiz). A causa pode ser o seu uso en expresións como ec(c)lesia santi Felicis "igrexa de San Félix".