É un río situado no sueste da provincia de Lugo, afluente na beira esquerda do Sil, de 54 km. de lonxitude, que nace en Fonlor (Pedrafita do Cebreiro, Lu) e desemboca en Augas Mestas (Quiroga). Amais do lugar do seu nacemento, forma parte dalgúns nomes de lugares ribeiregos, como O Carballo de Lor (na parroquia de Quintá de Lor), Bustelo de Lor, Lamas de Lor e Vilar de Lor (estes na parroquia de Vilar de Lor), todos eles no concello de Quiroga (Lu). Tamén está presente no nome da parroquia de Barxa de Lor, no concello da Pobra do Brollón).

Segundo J. M. Piel_1975, o posuidor deste territorio á beira do río debeu vivir baixo o reinado de Sisebuto (612-621), pois desta época é unha moeda atopada co nome da ceca Laure, que estaría referida ao nome do propietario.