Descoñécese a antigüidade do nome da localidade, pero a ponte que lle dá nome existía xa a mediados do século XVII e recibía este nome, que nos chegou castelanizado como Puente Nueba (MarquésValea_2021, páx. 71).

A principios do século XIX constituíronse os municipios cos nomes das freguesías de Conforto e Miranda, pertencentes á antiga xurisdición de Miranda, e Vilameá, pertencente á de Mondoñedo, ata que os dous primeiros se agruparon en 1845 nun único concello chamadoVillaodriz (forma castelanizada da parroquia de Viloudriz). Catro anos máis tarde o concello de Vilameá cambiou o nome polo de Puente Nuevo, feito que entrou en vigor en 1951. En 1963 fusionáronse todos en Puente Nuevo-Villaodriz e en 1973 acordouse a denominación actual A Pontenova, que non se oficializa ata 1984.