O concello de Tordoia constituíuse en 1838 e recibiu o nome da parroquia onde tivo a súa sede, pero non existe ningún núcleo con esta denominación. Na actualidade a capital municipal está na localidade chamada A Pontepedra, na parroquia de Cabaleiros. A grafía con <y> é medieval, pero persistiu no tempo por castelanización gráfica do topónimo, que se restituíu a Tordoia, seguindo a ortografía actual do galego.