Cognats i topònims relacionats

A popularide deste nome na Alta Idade Media no noroeste hispánico explica a súa produtividade antroponímica. Varios dos seus descendentes presentan variación na primeira raíz: Recesende, cadanseu lugar e parroquia en Castroverde e Baralla (Lu), outra parroquia en Teo (Co), Requesende, lugares na Laracha e Santiago de Compostela (Co) e quizais tamén Rexosende (Vilardevós, Ou) e Raxacendes (Santiso, Lu). Con distinto resultado na segunda raíz, Recesindes (Vimianzo, Co), Rececinde (Coristanco, Co). Neste último topónimo observamos asimilación consonántica á primeira sibilante, tamén presente, amais de no topónimo que tratamos, en Rececende, outra parroquia da Pontenova (Lu) e mais en Rececendes (lugares en Antas de Ulla e Portomarín, Lu).