En 1833 as parroquias que hoxe constitúen o concello de Ourol pasaron a depender do concello de Viveiro. O actual concello de Ourol constituíuse en 1844; foi suprimido de forma transitorio en 1854 e 1868, pero a partir deste ano quedou definitivamente consituído. Nomeado coa súa forma castelanizada, Orol, que se comeza a ver na escrita a finais do séc. XVII, restituíuselle a súa forma xenuína, Ourol, en 1985 (VariacionesMunicipios).

Actualmente no escudo do concello figuran dous paxaros, por identificar o nome do concello co do ouriolo (Oriolus Oriolus), tamén chamado vichelocrego, de cor amarela e ás e rabo negro, que ten unha orixe etimolóxica semellante, pois procede do lat. aureolum 'dourado', por causa da súa cor.