Na primer fase del proyectu coordináu Toponomasticon Hispaniae (2021-2025) estudiáronse dellos centenares de formes toponímiques, considerando les fiches de los topónimos, de los étimos y los cognaos, toos disponibles en bona midida na aplicación pa consulta llibre. Son sobre manera macrotopónimos, xunto a dalgunos corónimos, orónimos ya hidrónimos.

Continuamos agora ellaborando fiches toponímiques ya etimolóxiques, poniendo especial atención en dos aspectos: per un llau, na prollongación antroponímica, esto ye, los apellíos (ya incluso nomes personales) a los qu’abocaron determinaos topónimos; per otru llau, na proyección americana: cómo s’espeya la toponimia asturiano-lleonesa nos territorios americanos.

Nesta nueva estaya (2026-2029), l’estudiu de la Toponimia asturiano-leonesa encadármase dientro del subproyectu Toponimia gallega, portuguesa y astur-leonesa.