Castroverde
Tipologia edo geografia karakterizazioa
Etimoa
Laburpen orokorra
De CASTRU 'castro' e VĬRĬDE 'verde', seguramente en referencia á fertilidade da terra ou ó vizoso da paisaxe que o rodeaba.
Geografi, historia, administrazio alderdiak
O actual concello está constituído por parroquias das antigas xurisdicións de Neira de Rei, Adai, Castroverde e Lugo, xunto cos coutos de Mirandela, Montecubeiro e Riomol. Castroverde pertenceu ó conde de Lemos e posteriormente ó de Altamira. A capital municipal, que lle dá o nome a todo o municipio, pertence á parroquia de Vilariño, que nalgúns textos da documentación antiga tamén figura como de Castroverde.
Leku izen honentzako informazio berezkoa
Aínda que Nicandro Ares (Ares_TopGal, II, 693) considera que en Castroverde, e tamén en Vilaverde, o segundo elemento do topónimo seguramente se corresponda co xenititivo V(I)RIDII do nome latino de posuidor Virdius ou Viridius, crémolo pouco probable. Por un lado, porque, a pesar de existir máis de trinta lugares chamados Vilaverde, non rexistramos o antropónimo na documentación medieval galega, nin en latín nin en romance, e Verde só aparece como sobrenome (cf. Fernán Verde, carniçeiro a.1377 DocSMBelv); por outro, porque verde forma parte de varios topónimos compostos en que a primeira voz non se explica acompañada dun antropónimo, pois designa elementos pouco susceptibles de ser posuídos: Valverde, O Pico Verde, Pena Verde, Fonteverde.... En opinión de Emilio Nieto Ballester (vid. étimo VĬRĬDE), a frecuencia da palabra nas linguas romances, fronte a outros nomes de cor, débese ó seu uso agrícola.
Dokumentazio historikoa
Antzinatekoa eta Erdi Arokoa
- "Petrus Vitatus Burgensis de Castroviridi" a.1222 CDLugoCañizares
- "Data in Castro Uerde XVIIª die Agusti" a.1188 TVelloLugo
- "ffaso sseellar do [sseell]o do conçello de Castroverde esta carta" a.1260 Doc_Sponer
- "Pero Afonso, pelitero, morador enna dita vila de Castroverde" a.1409 CDFPantón
- "casa que jas enna dita vila de Castroverde, enna rúa da Crus" a.1409 CDFPantón
Garaikidea
kognatuak eta erlazionatutako leku izenak
Hai un lugar chamado Castroverde na parroquia de Noalla, en San Cibrao das Viñas (Ou); en Zamora, o municipio e localidade de Castroverde de Campos e, en Valladolid, Castroverde de Cerrato; e o concello, parroquia e lugar de Castro Verde, no Baixo Alentexo, en Portugal.
Son moitos os topónimos Castro e compostos en Galicia e no NO da Península. En Portugal son característicos do norte.
O adxectivo verde tamén é frecuente na toponimia penínsular con nomes como Brañas Verdes, Vilaverde, Campo Verde, Pena Verde, entre outros, en Galicia; Valverde e Vila Verde, Praia Verde etcétera, en Portugal; e Villaverde, Pumalverde ou Cruz Verde no resto de España.
en Toponimia de Galicia e Portugal (PID2020-114216RB-C61), proyecto integrado en Toponomasticon Hispaniae, financiado por el MCIN/AEI/10.13039/501100011033/. http://toponhisp.org
