Parderrubias
Tipología o caracterización geográfica
Étimo
Resumen general
Do latín PARIETES RUBEAS, 'paredes rubias', referido a obras para establecer lindes ou ao resto dunhas edificacións con esta cor.
Aspectos geográficos, históricos, administrativos
Parroquia no concello da Merca (Ourense), constituída por seis aldeas. A actual parroquia aparece mencionada desde o séc. X, dentro da Terra de Celanova, e en 1122, no documento en que Tareixa, condesa de Portugal, renova a Ourense o título de cidade e marca Parderrubias como un dos seus límites.
Documentación histórica
Antigua e medieval
"est ipsa uilla inter Minio et Arnogia, uocitata Parietes Rubias" 957 CDCelanova 119, TumboCelanova 65
"quicquid debiti regie parti debetur a petra de uado usque ad riuulum de Oruidelo, insuper quantum [apud Parietes] Rubias habetur siue in Reparadi tam regalengum quam infantaticum do et datum confirmo" 1122 CDACatOurense 66-68
Cognados y topónimos relacionados
Parede
A palabra Paredes é unha das máis frecuentes na toponimia galega: repítese en 58 lugares (Boullón_2021).
No NG hai outra forma idéntica á tratada: Parderrubias, parroquia de Salceda de Caselas (Po). En Palencia existe outro cognado: Olleros de Paredes Rubias, pedanía do municipo de Berzosilla.
Pola contra, en Pardemarín (A Estrada, Po), non está esta voz, senón Parada, testemuñan as atestacións históricas: Parada Marín (1419 DocCodeseda). Facía referencia a un lugar para descansar nun camiño en costa. Para a segunda parte do composto, véxase MARINUS.
Rubio
En Galicia a forma rubio é a máis frecuente entre as expresións de cor na toponimia: aparece ata 73 veces, ben como forma única (Rubio, Roibos, A Rubia), ben adxectivando a pedras, construcións, hidrónimos, vexetación ou outros ou con diferentes derivados.
en Toponimia gallega, portuguesa y asturiano-leonesa, PID2024-159776OB-C41, proyecto integrado en Toponomasticon Hispaniae Toponomasticon Hispaniae. Prolongación antroponímica y proyección americana (ToponHisp-PA), financiado/a por MICIU/AEI/10.13039/501100011033. http://toponhisp.org
