Cognados y topónimos relacionados

Ademais da parroquia de Rodeiro (Oza dos Ríos, Co) hai outros 12 lugares chamados (O) Rodeiro en Galicia. Tamén hai Rodeira (Santo André de Comesaña, Vigo, Po) que debe conter a voz común rodeira 'camiño estreito'; o plural Rodeiras (Dorrón, Sanxenxo, Po) parece máis ben facer referencia ó primeiro significado 

Para un medieval Rotarios (929 CDCatedralLeón2), identificado con Roderos (Villaturiel, León), di Sánchez Albornoz (SánchezAlbornoz_1965): "...se hayan ya diversas citas en diplomas de 925 [...] El nombre de tal aldea me inclina a suponer a sus moradores fabricantes de las típicas ruedas sin radios que con formas diversas se usan todavía en León, Asturias y Galicia, y en Sanabria según Krüger"; tería entón o mesmo étimo en plural ca Rodeiro, pero distinta motivación. Non obstante, outros autores (Llamazares_2002) descartan esta hipótese e propoñen para o topónimo leonés un étimo constituído pola raíz indoeuropea hidronímica rohd- 'correr a auga' mais o o sufixo latino -ariu en plural e outórganlle o significado de  "lugar en donde se ha hecho o existe un rodo, presa o reguero".