Camba
Tipologia edo geografia karakterizazioa
Etimoa
Laburpen orokorra
O étimo CAMBA provén do celta *cambos 'curvo' (DCECH, s.v. cama II), que na toponimia galega tanto pode designar unha altitude, un val ou a forma dun río.
Geografi, historia, administrazio alderdiak
O río, de curso sinuoso e encaixado entre os montes da serra de San Mamede —onde ten a cabeceira—, do Invernadoiro e de Queixa, é afluente do Bibei.
Reciben tamén o nome de Camba a parroquia en que nace o río e o único lugar que a constitúe, no concello ourensán de Laza. Na Idade Media e polo menos ata o segunda parte do século XVIII o lugar da parroquia chamouse Camba do Carambo. Figura entre os lugares da parroquia de Cercedelo, xa só coa forma Camba, no Nomenclátor da década de 1860. Na actualidade o aditamento Carambo só se conserva na microtoponimia: Carambo, O Corgo de Carambo, A Curva do Corgo de Carambo (GaliciaNomeada).
Leku izen honentzako informazio berezkoa
O aditamento Carambo que tivo o lugar da parroquia onde nace o río correspóndese coa voz común carambo 'carambelo, xeo que se forma sobre unha superficie líquida', 'xeo que queda colgando ao conxelarse auga que cae' (vid. Carambo).
Dokumentazio historikoa
Antzinatekoa eta Erdi Arokoa
- "basilica sita esta territorio Pinciae et inter flubios uocitandos Camba et Blue" 912 CDCatedralAstorga1
- "monasterio vocabulo sancti Johannis Baptista de Camba, flumine discurrente Camba" 962 CDCatedralAstorga1
- "Justa riuuolo Kambe" 1208 CDMontederramo
Garaikidea
- " CAMBA : r. en la prov. de Orense , part. jud. de Viana del Bollo, el cual nace en los montes llamados del Invernadero" 1845-1850 DicMadoz
kognatuak eta erlazionatutako leku izenak
En Galicia sete parroquias chámanse Camba ou conteñen a palabra (Portocamba e Veigas de Camba), ademais de oito lugares (A) Camba e outros tres que conteñen no nome este topónimo (Río de Camba, San Xoán de Camba e Portocamba).
En Portugal tamén hai un lugar chamado Camba (Pampillosa da Serra), dous Cambas (Braga e Oleiros) e o composto Santana de Cambas (Mértola), que tamén é freguesía.
O río Cea, que discorre polas provincias de León, Valladolid e Zamora, ten un afluente chamado Camba que lle dá nome ó monte de Riocamba (León), o cal atravesa.
en Toponimia de Galicia e Portugal (PID2020-114216RB-C61), proyecto integrado en Toponomasticon Hispaniae, financiado por el MCIN/AEI/10.13039/501100011033/. http://toponhisp.org
Coordenadas: (-7.394124 42.102782
Las coordenadas en el estado español proceden del IGE
Herritarren izena eta talde izengoitiak
Cambés, -esa, polo menos para algún dos lugares chamados Camba, foi o xentilicio tradicional, como demostra a toponimia (cf. Cambeses, dous lugares nos concellos pontevedreses da Lama e Vigo).
Cambote, -ota, para a terra de Camba, en Rodeiro, ten certas connotacións pexorativas, aínda que é de uso común e aceptado como sobrenome.
Leku izenak sortutako jende izenak
Bibliografia berezia
Sinadurak
Erredakzioa: Luz Méndez
