O latín BŬDA pode dar lugar ao topónimo boda, pero existe unha dificultade fonética, pois parece que os seus descendentes perderon o -d-. Gonzalo Navaza_Fitotoponimia ofrece outra posibilidade: que proceda dun primitivo *Río de Boedas, co que sería un equivalente a Boedo, con xénero feminino. En apoio desta hipótese, cita outros posibles derivados deste étimo que tamén o conservan: O Budeiro ou O Bodial (se é que non teñen relación con bido < *BETŬLO < lat. BETŬLA).